atzo aurkeztu zuten D3M izeneko plataforma politiko berria, datozen martxoaren 1eko hauteskundeetan parte hartzeko asmoa daukana.
Demokrazia Hiru Milioi plataformak «abertzale eta ezkerreko» jotzen du bere burua, eta instrumentua izan nahi du, «herri honek etorkizunari begiratu ahal izan diezaion, eta iraganaren preso izateari utzi». Bilbon egin zuten aurkezpena atzo, 15 pertsonak, eta herritar guztiei dei egin diete firma eman dezaten, plataforma elektoral gisara eratu ahal izateko.
Hernanin Kardaberazen
Plataforma sortu ahal izateko herritarren firma beharrezkoa da, eta Hernanin aukera izango da, bihar eta ostegunean, arratsaldeko 16:30etatik 19:30etara, Kardaberaz kalean (Jarki taberna zegoeneko horretan).