Gabon aurreko egunak girotu dituzte herriko musikariek

GABONAK iritsi dira eta famili giroan pasatzekoak diren egun hauek girotzeko kontzertuak izan dira azken egunetan. Larunbatean, Hernani Musika Eskolako Abesbatza eta Hernasax taldearen emanaldia izan zen Milagrosan. Eraikina jendez bete zen musikari gazteen Gabonetako emanaldia ikusteko. Igandean, Txistulari Bandaren txanda izan zen, aurten gonbidatu berezia izan dute gainera, Miren Zubillaga herriko pianojole gaztea.