Kontrakantxa gaztetxearen bigarren urteurrena ospatu zuten atzo.

Kontrakantxa gaztetxeak bi urte bete ditu, eta hori ospatzeko festa antolatu zuen atzo Gazte Asanbladak. Eguerdiko 12.00ak aldera hasi ziren, txupinazo zaratatsua boteaz; bertsolariak ere izan ziren, eta dotore jantzitako gazte batek zoriontze diskurtsoa irakurri zien bertara hurbildutakoei; ondoren, gaztetxearen logo berria aurkeztu zuten; logoa eskutan hartuta, bertso triki poteoa egin zuten herrian barrena. Eguerdian gaztetxera bueltatu eta giro ederrean bazkaldu zuten. Arratsaldean ginkana egin zuten herrian barrena. Abesteko aukera ere izan zuten, karaokea antolatu baitzuten, eta eztarria ederki findu eta busti zuten. Egitaraua bukatzeko, txarangarekin batera ibili ziren dantzan. Hortik aurrerakoak, ez zituzten egitarauan zehaztu.