BINAKAKO erremonte txapelketa joan den astean hasi zen, eta Galarretako lehen partidua larunbatean jokatu zen. Txapelketako bigarren partidua zen, eta aurrez aurre Ezkurra-Gaztelu eta Altuna II-Eizagirre aritu ziren. Partidu hasieratik Ezkurra eta Gaztelu nagusi izan ziren. Ezkurrak partiduko pisua hartu zuen, eta Gazteluk, nahiz eta torneoan debutatu, ondo eutsi zion Eizagirreri; markagailuan 31-17 jarri ziren aurretik. Partidua amaitzear zela ordea, Altuna II eta Eizagirreren erreakzioa etorri zen. Eizagirrek ikaragarrizko sakeak atera zituen eta Altunak gehiago arriskatu zuen; izugarrizko partziala egin eta 37-37an jarri zen markagailua. Hala ere, azkenean, partidua Ezkurra eta Gaztelurentzat izan zen, 40-37 irabazita.
Partidua bertan behera
Iruñean, jokatu behar zen 3garren partidua, bertan behera geratu zen, pelotalekuan hezetasuna baitzegoen.