asteazkenean hasi zen erremonteko 08/09 Binakako Txapelketa nagusia. Txapelketako partiduak bi pelotalekutan jokatuko dira, Euskal Jai Berri-Reyno de Navarran eta Galarretan; bata bestearekin tartekatuz. Lehen partidua asteazkenean jokatu zen Iruñean eta bigarrena gaur jokatuko da Galarretan; aurrez aurre Ezkurra-Gaztelu eta Altuna II-Eizagirre izango dira; 16:00etan hasita.
12 erremontista, 6 bikote
Aurtengoa txapelketako 38garren edizioa da eta 12 erremontistek hartuko dute parte, sei bikote osatuz. Bikoteak bi taldetan daude banatuak: lehenengo taldean dauden Zeberio II-Agirrezabala, Urriza-San Miguel eta Iñigo-Etxeberria III; bigarrengoan berriz, Ezkurra-Gaztelu, Altuna II-Eizagirre eta Juaristi-Urrutia.
Txapelketako final haundia urtarrilaren 3an jokatuko da, Galarretan.