Hernanira datozenei ongi etorria emateko panelak jarri ditu Udalak

UDALAK Hernanira datozenei ongi etorria ematen dien panelak jarri ditu herriko sarreretan. Bat Astigarragatik Hernanira datorren errepidean (GI-131) eta bestea Errekaldetik Hernanira datorren errepidean (GI-2132). Panelaren helburua, ongi etorria emateaz gain, Hernaniren aurkezpen txiki bat egitea ere bada. Hori dela eta, bi paneletan argazkien bidez Hernaniren hainbat ezaugarri azaltzen dira, Astigarragako errepidean esaterako honako hauek: Santa Barbarako ermita, Akolako trikuharrietako bat eta sagardoarekin zerikusia duen argazki bat.