MENDIZALE astea puri-purian da, eta egitarauari jarraituz gaur Alberto Iñurrategik aurkeztutako dokumentala ikusteko aukera izango da, Miradas a camara/Begiz begi izenburua duena. Alberto Iñurrategik osatutako dokumental honetan bidaiatzeko moduari buruz hausnarketa egiten da, gaur egungo eskaladari buruz hitz egiten da eta baita bidaiak prestatzeko moduari buruz ere. Beste herrialdeetara bidaiatzerakoan bertako biztanleekin izaten den harremanaz ere gogoeta egiten da. Hausnarketa egiteko dokumentala izango da gaurkoa, galdera asko sortu eta erantzuten dituena. Arratsaldeko 19:30etan, Biteri kultur etxean.