partidu zaila jokatu eta zeukan guztia eman ondoren, Hernaniko saskibaloi talde nagusiak 65-61 irabazi zion Donostiako Alde Zaharra taldeari, ostiralean Altzan jokatu zen partidua.
Partiduko gora beherak
Gogotsu eta partiduan ondo sartuta ekin zion Hernanik partiduari. Lehen laurdenean, nagusi izan ziren eta aurkariari markagailuan alde dezentea ateratzea lortu zuten. Lehen laurdena 9-21 amaitu zen hernaniarren alde. Bigarren laurdenean aurkaria esnatu zen arren, 10 puntuko aldearekin amaitu zuen Hernanik. Hirugarren laurdenean ordea, Hernanik zuen 14 puntuko aldea 4an geratu zen talde donostiarraren erreakzioaren ondoren. Azken laurdenean berriz, partidua amaitzear zela, zail zituen gauzak Hernanik. Azken minutuan bi tiro libreri esker, garaipena lortu zuten.