ANTZERKIA izango da protagonista aste honetan Biteri kultur etxean; gaur hasi eta ostirala bitartean bost antzezlan ikusteko aukera izango baita. Ezker Eskuma obrak emango dio hasiera zikloari, Glu Glu producciones-ek sortutako lanak. Loli Astoreka eta Iñake Irastoza dira antzezlan honetako aktore nagusiak. Bi bizilagun irudikatuko dituzte: bata ezkonduta dago, eta sukaldea eta janaria dira bere hizpide nagusiak; bestea, bakarrik bizi da eta interneta da bere bizitzako pozgarri bakarrenetakoa. Emanaldia arratsaldeko 20:00etan hasiko da. Antzerkia euskaraz egingo dute. Sarrerak salgai daude Biterin, 3,50 eurotan.