Egoera edozein dela ere euskaraz eroso aritzeko estrategiak landu zituzten TELP ikastaroan.

Atzo bukatu zen Dobera euskara elkarteak antolatutako TELP ikastaroa. Ikastaroa Valentziako Ferran Suay psikologoak eman zuen. Euskaldunok askotan arrazoi ezberdinengatik gaztelerara jotzen dute, esate baterako tentsio momentuak saihesteko. Egoera horri buelta emateko helburuarekin antolatu da ikastaroa. Ikastaro praktikoa izan da: oinarri teorikoak aztertu zituzten eta euskaraz aritzeko zailtasun egoerak identifikatu eta horren inguruko gogoeta egin zuten; tentsio momentu horietan euskaraz hitz eginez aurrera egiteko estrategiak landu zituzten, egoera modu positiboan gainditzeko helburuarekin.