Mikologi Jardunaldiak izaten dira urritik abendura Hernanin. Argazki lehiaketa eta erakusketa, mendi irteera eta perretxiko erakusketa izango dira, besteak beste.
Gaur Urdiainera
Gaur irteera egingo dute Urdianera; irteera batez ere, 10-15 urte bitarteko gazteei zuzendua dago baina helduak ere izango dira tartean. Goizeko 07:30etan abiatuko dira, Atsegindegitik, eta eguerdirako itzuliko dira.
Bihar perretxiku erakusketa
Bihar jendeak hain estimatua duen perretxiko erakusketa izango da; elkarteko bazkideak ere bertan izango dira azalpenak emateko prest. 12:30etan perretxikoen dastaketa izango da jendearentzat.
Argazki lehiaketa eta erakusketa
Perretxikoen inguruko argazki lehiaketako oinarriak hilaren 20tik 22ra banatuko dituzte, arratsaldeko 20:00etatik aurrera, Urretxa Mikologia Elkartearen bulegoan (Kale Nagusiko 6 zenbakiko behean). Txartelak azaroaren 10 eta 11n utzi behar dira Torres argazki dendan. Argazkiak abenduaren 2 eta 3an proiektatuko dituzte. Sari banaketa abenduaren 3an izango da, gaueko 21:00etan, Biterin. Bestalde, argazki erakusketa dago ikusgai Biterin.