KONTZENTRAZIOA izan zen atzo Plazan, asteburuko atentatuak gaitzesteko eta batez ere Santoñan, Kantabrian, izandako atentatua salatzeko; Luis Conde de la Cruzen heriotza ekarri zuena. Kontzentrazioa PSE-EE, EAJ-PNV, EA, EB eta PPko udal ordezkariek deitu zuten eta eguerdian egin zen.
Hiru atentatu
Guztira hiru bonba-auto jarri ditu ETAk azken egunetan. Aurrenekoa larunbat gauean Gasteizeko Vital Kutxaren eraikinean; bigarrena igande goizaldean Ondarroan, Ertzaintzaren polizia-etxearen aurrean; eta hirugarrena Santoñan, astelehen goizaldean. Atentatu hauen ondorioz hildako pertsona bat eta 16 zauritu izan dira. Kalte materialak ere eragin dituzte atentatuek.