jendez lepo zegoen atzo eguerdian Gudarien plaza. Eguraldi bikaina egin zuen goizean goizetik eta asko izan ziren Plazan zegoen Sagar eta sagardoaren festarako bidea hartu zutenak. Azken urteetan bezala, Tolarea Sagardoaren Kofradiak antolatu zuen festa. Goizean goiz hasi ziren txistulariak herriko kaleak alaitzen eta eguerdia hurbildu ahala Plaza jendez betetzen joan zen. Bertara hurbildu zirenek, Hernaniko 12 sagardogileren sagardoa probatzeko aukera izan zuten. Gainera, sagarra bildu eta sagardoa nola egiten den irudikatzen zuten erakustaldi ederrak ere izan ziren. Beraz, beste behin, argi geratu zen herrian sagarrak duen indarrra.
Eguraldi eguzkitsua lagun, jendetza bildu zen Sagar eta sagardoaren festan
Sagardo dastaketa arrakastatsua izan zen, eta honen inguruan izan ziren erakustaldiek ere jende ugari erakarri zuten, sagar bilketak eta sagardoa egiteko prozesuak, hain zuzen.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!