Pirritx eta Porrotxek eta hernaniarrek pelotalekua bete zuten, Esklerosi Anizkoitzaren elkartearen alde

PIrritx eta Porrotx pailazoen Eskerrik Asko ekitaldia izan zen atzo kiroldegian, Hernaniko Udalak eta Gipuzkoako Esklerosi Anizkoitzaren Elkarteak elkarlanean antolatuta. Ekitaldi solidarioek edo elkartasunean egindakoek, herritarren bultzada edo laguntza behar izaten dute, eta atzokoan, hernaniarrek ez zuten hutsik egin. Gainera, astean zehar sarrerak salgai jarri eta berehala bukatu ziren. Kiroldegiko pelotalekua jendez gainezka izan zen ateak zabaldu bezain laister, eta umeen gozamenerako ikuskizun bikaina eman zuten Pirritx eta Porrotx pailazoek, eta euren koadrilak. Sarrerekin ateratako dirua Gipuzkoako Esklerosi Anizkoitzarentzako izan zen, 2007. urteko maiatzean Esklerosi Anizkoitza eta beste gaixotasunentzako lehen zentroa ireki baitzen Gipuzkoan. Gainera, ikuskizuna ikustera hurbildu ziren haur guztien artean Cabarcenoko parke naturalerako 80 sarrera zozketatu zituzten.