Buruhaundiekin hasi ziren atzo Zikuñagako jaiak umeen gozamenerako

ZIKUÑAgaKO jaiak hasi ziren atzo, etxafero eta buruhaundiekin. Jai hasieran umeak izan ziren protagonista eta korrika eta builaka aritu ziren buruhaundien aurretik. Gaua Esne Beltza eta Aduraspenas taldeek girotu zuten. Jaiek gaur izango dute jarraipena, haurrentzako joko, tortilla patata lehiaketa, sagardo probaketa, ur borroka, pailazo, txokolatada, afari eta kontzertuekin. Horrez gain, Errapia taldeko kideen artelanak ikusteko aukera izango da eskolan, eta arratsalde partean Zo Zongo taldearen perkusio soinuek dantza giroa jarriko dute Zikuñagan./4-5.