Denboraldiko lehenengo partidua jokatu zuen atzo arratsaldean Hernaniko taldeak eta ez nolanahiko aurkariaren kontra; Valladolideko El Salvador taldea izan zuen parean, azken bi urteetan Espainiako Txapelduna Ohorezko Mailan.
19-36 galdu, baina pozik
20 minutuko lau zati jokatu zituzten eta fin hasi ziren hernaniarrak; hala ere, partiduak aurrera egin ahala El Salvadorrekoak gailendu eta 19-36 irabazi zieten. Pozik azaldu ziren hala ere hernaniarrak; fin aritu zirelako, aurkaria indartsua zelako eta astebete besterik ez daramatelako entrenatzen.