Aspaldiko kontua da Urumean behera jaistea

Joan den igandean herriko lagun talde bat errekan behera abiatu zen Ereñotzutik, Landarera iristeko asmoarekin, txalupa eta piraguetan sartuta. Helburua berriz, ondo pasatzea eta aspaldiko ekintza hura berreskuratzea. Izan ere, Urumean behera jaistea ez da gaurko kontua. Urte asko dira, Eguzki talde ekologista hasi zela antolatzen, besteak beste, Urumea errekaren egoera salatzeko. Aldarrrikapenez betetako festa jendetsua izaten zen, 1989ko uztailaren 23ko El Diario Vascon ikusten denez.