Urumea jaitsi zuten larunbatean, aspaldiko partez

Larunbat arratsaldean Orkolagako eta herriko lagun batzuk Urumean behera jaitsi ziren txalupa eta piraguetan. Eguerdian abiatu ziren, mokadu bat egin eta gero, Erenotzuko zubi paretik, Landarera iristeko asmoarekin. Pozik eta umoretsu ageri ziren, abenturaren zain. Kide batzuk azaldu zutenez, «lagun koadrila baten ideia izan da, aspaldi ez baitzen egin». Hasiera batean koadrillatxo bat ginen, baina piskanaka-piskanaka jende gehiago etorri da»; azkenean, talde koskorra bildu zen.