Gaur hasiko dira Portuko San Joan Txiki jaiak

Gaur eguerdiko 12:00etan botako diren suziriekin hasiko dira Portuko jaiak. Aurretik, 10:00etan marrazki eta pintura lehiaketa izango dira eta 11:00etatik 13:00etara haurren parking-a puzgarri, ohe elastiko, parke txikia eta ollarekin. Suziria bota bezain laister, buruhaundi eta txistulariak ibiliko dira auzoko kaleak alaitzen. Eguerdiko 13:00etan auzoko gazteek egindako marrazki erakusketa izango da. Arratsaldean, umeek izango dute, berriro ere, parkinaz gozatzeko aukera, 16:00etatik 19:00etara. Arratsaldean, ekialdeko dantzen erakustaldia izango da, auzoko Dori Martinen eskutik, eta baita lorontzi lehiaketa ere. 18:30etan haur jokoak izango dira eta ordu erdi geroago Tute txapelketa Shangay-en. Gauari hasiera Sardin jate herrikoiak emango dio. Ondoren ,The Zepo taldearen eta Esne Beltza taldearen kontzertuak izango dira.