GAZTE Asanbladako lau kide Wukrora (Afrika, Etiopia) doaz kooperante moduan. Dirua biltzeko asmotan, Gazte Asanbladak ekintzak antolatu ditu larunbaterako, abuztuak 9. Wukrorekiko Elkartasun egunean, ekitaldiak eguerdiko 13:30etan hasiko dira hango egoerari buruz jarriko duten dokumentalarekin; 15 minutu inguru iraungo ditu. Ondoren, eguerdiko 14:00etan bazkaria izango da, Tilosetan, eta eguraldi txarra egiten badu Atsegindegin. Arratsaldean berriz, 17:00etan hasita, Mus txapelketa jokatuko dute Tilosetan. Txartelak, bazkarikoa eta mus txapelketakoa dagoeneko salgai daude Garin eta Kitton 8 euroren truke. Gainera, atzo eta gaur tailerrak izango dira Gaztetxean arratsaldeko 17:00etan. Egindako eskulanak salgai jarriko dira larunbatean.