Astigarraga Santio bezperako jai giroan murgilduta

SANTIO Jaien bigarren eguna izango da gaurkoa. Goizeko lehen ekitaldiak haurrei zuzendua izango dira. 11:30etatik 13:30etara puzgarriak, ludoteka, quads pista, pilota-etxea, txalupak uretan eta txu-txu trena izango dituzte Foru plazan. Gazteentzat, eguerdiko 13:00etan, Gazte Asanbladak triki-poteoa antolatu du, Jose Barandiaranen plazatik irtenada. Ondoren, gazte bazkaria izango da txosna gunean. Arratsaldean, goizeko joku berdinekin gozatzeko aukera izango dute Foru plazara hurbiltzen diren haurrek, 17:00etatik hasi eta 19:00ak bitartean. Ordu berean, 17:00etan, gazteek ere jokuak izango dituzte txosna gunean. Ondoren, 19:00etan kalejira egingo dute txosna gunetik aterata. Iluntzean, kirolen txanda izango da. 20:00etan pala txapelketako finalak jokatuko dira pilotalekuan eta XXVIII. areto futboleko finalak kiroldegian. Gauean berriz, kontzertuak izango dira, 23:00etan Xikinkei eta Ankatarteko OI izango dira txosnagunean eta La dama Joseba Barandiaran plazan. Eguna amaitzeko usadiozko kanpai errepika izango da Santiagomendiko ermitan.