Iruñean bezain ozen entzun zen Hernanin ‘Gora San Fermin!’

GIRO ezinhobean ospatu zituzten atzo San Ferminak udaleku irekietan. Goiz partean trajeak eta festa ondo prestatu ondoren, eguerdi aldera Plazan bildu ziren udaleku irekietako haur eta begiraleak. Udaletxeko balkoian udaleku irekietako bi ordezkarik pregoia irakurri zuten, San Fermin jaiak ondo pasa eta Gora San Fermin! oihukatuz, San Ferminetako kantua ere abestu zuten. Segidan, Plazan, zezenez mozorrotutako begiraleen aurretik korrika aritu ziren, oihu eta algara artean. Izandako giroa ikusita, atzoko jaiak ez zuen Iruñeakoaren enbidiarik.