Ereñotzuko Ozenki abesbatzak eta Goizuetako Umore Ona abesbatzak kontzertua emango dute gaur, arratsaldeko 19:30etan, Sandiusterrin. Ozenkik antolatu du emanaldia eta Goizuetako koruari luzatu dio gonbitea, iaz kontrako aldera izan baitzen, eta Ozenkik kantatu zuen Goizuetan. Kontzertuko lehen zatian, sei kanta kantatuko dituzte goizuetarrek Igaratza Apezetxearen zuzendaritzapean. Segidan, Ozenki abesbatzaren txanda izango da eta beste sei kanta kantatuko dituzte, Imanol Kamio zuzendari dela. Bi abesbatzek batean emango diote bukaera kontzertuari, beste hiru kantarekin.