KOXKA hernaniko Ezinduen taldeak bilera izan du aste honetan. Hiru gai jorratu zituzten. Lehenengo elkartea legalizatzeko tramiteez hitz egin zuten. Eusko Jaurlaritzara bidali dituzte eskaria eta paperak, eta hilabete baten bueltan erantzuna jasotzea espero dute. Kiroldegia izan zen bileran aztertu zen beste gai bat. Zehazki, ezindu fisikoek kiroldegia erabiltzeko dituzten trabak aztertu zituzten. Trabak zerrendatu eta Kirol Egokituaren Euskal Federakuntzarekin biltzeko asmoa dute, haien iritzia jasotzeko. Guzti honen helburua da txosten bat osatzea, kiroldegia ezinduen beharretara egokitzeko.
Kaleko trabak
Azkenik, beste gai hau ere aztertu zuten: kalean ezinduek dituzten trabak. Asmoa dute traba hauei argazkiak ateratzea eta ondoren Udalari aurkeztea. Harremanetarako telefonoa: 645 727 793. E-maila: koxka-elkartea@hotmail.es