Batukada eta dantza erritmoek alaitu zuten atzoko giro goibela

Kalejira musikatua izan zen atzo Hernaniko kaleetan eta Milagrosa inguruan. Laino goibelek ez zuten euri askorik bota arratsalde partean eta horri esker batukada soinuak entzun ahal ziren kalean, Hernaniko perkusio taldea, Mulambo eta Lakaxito batukada taldeen eskutik. Arratsaldea rap abeslariek, Iban Nikolairen didgeridoo hotsek, kapoeira dantzariek, eta sound systemek osatu zuten.