Prebentzioa da bide heziketaren ardatz nagusia. Izan ere, istripu gehienak sahiestu daitezke, arreta piska bat jarriz gero. Hori dela eta, ikastaroa egin dute herriko ikastetxeetan eta orain, ikasleek egindako marrazkiekin erakusketa jarri dute Biterin.
Bide heziketari bidea eman
Antolatzaileeen esanetan, bide heziketa pertsonek arriskuaz duten pertzepzioa haunditzera bideratu behar da, batez ere. Izan ere, hori da prebentzio katean lehenengo maila, behar bada garrantzitsuena, istripuen aurretik, bitartean eta ondoren. Istripuen ondorioak gutxiagotzeko modurik onena ´istripurik ez izatea` da.
532 marrazki
Hernaniko Udaltzaingoak urte osoa eman du herriko ikastetxeetan bide heziketa lantzen. Lehen Hezkuntzan eta Bigarren Hezkuntzako bi mailatan aritu dira, guztira 1.300 umerekin gutxi gorabehera. Erakusketa lau gairen inguruan antolatu dute: Goazen oinez, Bidaiaria, Bizikletaz eta Istripua, guztira 532 marrazki gutxi gorabehera. Erakusketa hilaren 14ra arte izango da Biterin, arrratsaldeko 17:00etatik 19:00etara.