Patxi Elorza eta Jose Manuel Iraola Ur-Mia elkarteko mus txapeldunak

Ereñotzuko Ur-Mia elkartean urteko afaria egin zuten larunbatean eta aurtengo mus txapelketako sariak eman zituzten. Aurtengo txapelak Patxi Elorzak eta Jose Manuel Iraolak irabazi zituzten; Aritz Zerain eta Ibon Miner bigarren postuan geratu ziren; hirugarrenean, Joxean Santa Kruz eta Gregorio Santa Kruz, eta laugarrenean, Mikel Otegi eta Xabi Lazarra. Jende asko bildu zen elkartera eta giro ederra izan zuten.