Jendea bildu zen atzo Atsegindegira, ostegunaz geroztik dagoen Liburu Azokara. Gustu guztietako liburuak daude bertan, heldu zein umeentzat. Datorren igandera arte izango da azoka Hernanin, beraz, jendeak patxadaz saltseatzeko aukera badu oraindik.
Jendeak interesa du
Postuetako jendearen arabera, jendea bildu da azokara egun hauetan, batez ere lehenengo egunetan, ostegunean eta ostiralean. Larunbatean, zubia eta eguraldia medio, ez zen jende asko izan, baina atzo berriz mugimendua sumatzen zen. Antolatzaileak gustura daude eta diotenez, antzematen da jendeak interesa duela.
Beste astebete
Orain arte aukerarik izan ez duena oraindik garaiz dabil azokara hurbiltzeko, beste astebetez, igandera arte, herrian izango baita azoka. Ordutegia honakoa da: goizeko 11:00etatik 14:00etara eta arratsaldeko 17:00etatik 20:30etara.
Aukera zabala
20tik gora postu jarri dituzte liburudenda, banatzaile eta udalen artean, besteak beste, Elkar liburu eta diska bana-tzaileak, Txalaparta eta Erein argitaletxeek eta umeentzako materiala egiten duen Ttarttalo argitaletxeak. Azoka ibiltaria Euskadiko Liburu Azoken Batzordeak antolatu du eta Udalaren laguntzaz jarri dute.