Hernani aurrera dijoa herri artekoan, atzo Zarautzi irabazita

Hernanik 3-0 irabazi zion atzo Zarautzi, Herri Arteko txapelketako bueltako neurketan, eta hurrengo kanporaketara pasa da. Hurrengo aurkaria Arrasate izango du, iazko irabazlea, datorren astean. Joan den astean Zarautzen 1-2 irabazi zuten hernaniarrek eta atzo Hernanin, 3-0. Atzo, hiru bikote hernaniarrak ondo aritu ziren, eta aurtengo taldearen maila erakutsi zuten. Kadeteetan, Aizpitarte IIak eta Elortzak 22-5 irabazi zieten zarauztarrei; jubeniletan, Arrietak eta Otaegik 22-20 irabazi zuten zarauztarren kontra; eta nagusietan, Esnalek eta Gorrotxategik 22-6 irabazi zuten, erakustaldi bikaina emanda, bai atzean, eta batez ere, aurrean.