Mus txapelketako irabazleak saritu zituzten ostiralean

Txantxangorri elkartean mus txapelketako irabazleak erabaki dira. Ostiralean izan zen afarian sariak banatu zituzten. 12garren banakako mus txapelketako irabazleak izan dira: aurrenekoa, Ibon Domingez; bigarrena, Bixente Goikoetxea; hirugarrena, Joxe Etxarri; eta laugarrena Atanasio Lapazaran. Binakako 40garren mus txapelketako irabazleak izan dira: aurrenekoak, Jesus Rodriguez-Iñigo Gorrotxategi; bigarrenak, Bixente Goikoetxea-Julio Gonzalez; hirugarrenak, Niko Olaziregi-Pablo Calbete; eta laugarrenak, Joxe Etxarri-Enrique Esteban. Zuzendaritza aldaketako afaria ere izan zen ostiralekoa, baina hautagai berririk azaldu ez zenez, aurreko kargu berak mantendu dira: lehendakaria, Juan Cruz Muñoa Marcos; lehendakari ordea, Jose Martin Tijero Lasa; idazkaria Juan Mauricio Lopez de Zubiria Fransoy; eta diruzaina Agustin Urretabizkaia.