GAUR jokatuko da eskuz binakako txapelketako finala. Finalean Oier Mendizabal izango da, bigarren mailatik lehenengora ustekabean salto egin duen pelotari hernaniarra. Harekin batean Olaizola II eta aurrez aurrez Titin eta Laskurain. Oier Mendizabal tartean, ohikoa baino espekatazio haudiagoa piztu du partidu honek Hernanin eta horren seinale da gaur herritik Gasteiz aldera joango diren autobusak. Sarrerak eskuratzeko zorterik izan ez dutenek, telebistatik jarraituko dute partidua. Partidua arratsaldeko 18:00etan hasiko da.
Oierrek ahalik eta joku txukunena egitea helburu
Oier Mendizabalek Kronikari azaldutakoaren arabera, ez du buruan finala irabazi edo galtzea, ahalik eta joko txukunena egitea du helburu nagusia. Lan egitera eta dena emateko pronto dijoa pelotari gaztea, bikote beraren kontra jokatu eta galdutako partiduak utzitako sentsazioari buelta ematera. Hala ere, partidu hartatik ere ikasi egin zuela azaldu du Oier Mendizabalek, hankak lurrean jarri eta lana egiteko indarra eman baitio. Ez da ahaztu behar aurreko ligillan irabazi egin zutela bikote beraren kontra, beraz gaurko partiduak bakar bakarrik erabaki dezake txapela nork eramango duen.
Aurreko urteetako finalak
2007:
Xala-Eulate 22
Olaizola I-Beloki 18
2006:
Martinez de Irujo-Eulate 22
Olaizola II-Zeharra 11
2005:
Martinez de Irujo-Goñi III 22
Bengoetxea IV-Beloki 12
2004:
Titin III-Goñi III 22
Martinez de Irujo-Lasa III 10
2003:
Koka-Beloki 22
Olaizola II-Pascual 15
2002:
Xala-Lasa III 22
Olaizola I-Patxi Ruiz 19
2001:
Olaizola I-Goñi III 22
Alustiza-Beloki 13
2000:
Titin III-Lasa III 22
Unanue-Errasti 19
1999:
Olaizola I-Elkoro 22
Goñi II-Zezeaga 15
Oier Mendizabalen palmaresa
- 2005ko Gabonetako Izar Berrien
Torneoko txapeldunordea.
- 2005ko El Diario Vasco Torneoko Txapelduna.
- 2002, 2003, 2005ko Antiguoko Torneoko Txapelduna.
- 2002/08 denboraldian jokatutako
20 partidutik, 12 irabazi ditu eta 8 galdu.