DATORREN igandean hilaren 30ean, Trintxerpetik Bulebarrera martxa izango da, arrazakeriaren aurka, aurten 11garren aldiz. Hernaniko AMHER elkarte multikulturalak joateko deia zabaldu die herritarrei. Horretarako, zita egin dute igandean goizeko 10:39etan apeaderoan, trena hartzeko.
Eskubide sozialak
Aurtengo martxan eskubide sozialen inguruko aldarrikapena egingo dute, ´Estatuko Gobernuak haur jaio berri bakoitzeko ematen duen dirulaguntza edota etxebizitza alokatzeko diru laguntzetatik baztertu ditu atzerritarrak` adierazi du elkarteak. Horrekin batean dio ´ez dagoela integrazioaz hitz egiterik diskriminazioak burutzen badira edota oinarrizko eskubideak zapaltzen badira`.