Julián Moreiro zuzendaritza kideari omenaldia egin zioten atzo Zubipen

OMENALDI hunkigarria egin zioten atzo Zubipen, hil berri den Julián Moreirori, CD Hernaniko zuzendaritzako kide izandakoari. Omenaldiaren ondoren urtero jokatzen duten Hernani-Eibar lagunarteko partidua jokatu zuten, Hernanik 1-6 galdu zuen. Julián Moreirok oso gustokoa zuen partidu hau eta horregatik aukeratu dute omenaldi xumea egiteko. Partidua jokatzen hasi aurretik ordezkari batek plaka bat eman zien senitartekoei klubaren izenean.