Merkealdia bukatzeko azoka egin zuten atzo Atsegindegin Berriak elkartekoek

Bukatu da merkealdi garaia. Berriak merkatari eta ostalari elkarteko dendek postuak jarri zituzten atzo goizean Atsegindegin egin zen azokan, udazkeneko eta neguko azkeneko produktoak saltzeko. Denetarik zegoen salgai: lentzeria, kirola egiteko arropa, haurrentzako arropa, liburuak, oinetakoak eta abar. Horrez gain, gaztelu puzgarriak ere izan ziren txikienek denbora pasatzeko. Jende asko hurbildu zen eta zenbait postutan harrapaka ibili ziren, zeinek topatuko maukarik onena.