PSE-EE: «Gobernu taldeak akordioak egiteko duen ezintasuna erakutsi du aurrekontuak erretiratzean»

PSE-EEk prentsa ohar baten bidez aurrekontuak erretiratu izanaren inguruan bere iritzia eman nahi izan du. PSE-EEren ustez, ´Gobernu taldeak gainerako alderdiekin akordioak egiteko duen ezintasuna erakutsi du aurrekontuak erretiratzean` eta bere kezka agertu du ´maiatza edo apirila arte ez baita aurrekonturik izango egin beharreko obrak eta programa berriak biltzen dituena, eta denbora gutxi izango da horiek urtea amaitu aurretik gauzatzeko`. Horrekin batera uste du Gobernu Taldeak oposizioak egindako enmiendak jaso eta bereak izango balira bezala erabiliko dituela. PSE-EEk bere proposamenak gogorarazi ditu prentsa oharrean: igerilekuko obrak aurten ez egitea, urbanizatzeko proiektua duten auzoetan obra horiek egitea, BOEak egiteko lurrak eskuratzea, Etxeberri-La Cumbreko biala egitea Via Politenan barrena eta Ave Mariarako dagoen proiektuari berriro ere heltzea. PSE-EE kezkatzen duen beste puntu bat da ´Ongintza patronatua aurrekonturik gabe dagoela oraindik eta horrek zerbitzuak berritzea saihesten` duela.