Santa Ageda doinuak auzoetan barrena zabaldu ziren

SANTA Ageda bezpera zen atzo eta urtero bezala abesbatza eta talde ezberdinek herrian barrena buelta egin zuten kantuan, ohiturari eutsiz. Ohitura Zaharrak abesbatza Kaxkoan Ohitura Zaharrak abesbatzako kideak Gudarien Plazan egin zuten zita eta handik Milagrosara abiatu ziren. Bertatik Zaharren Egoitzara joan ziren eta egoitzan, pisuz pisu, kantuan aritu ziren. Handik Kaxko aldera abiatu ziren,tabernaz taberna kantuan aritzera eta poteatzera. Haiekin batean izan ziren txistulari eta bertsolariak. Goiz Eguzki abesbatza Portun eta Karabelen Goiz Eguzkiko abesbatza izan da aurtengo Santa Agedako nobedadea, izan ere, abesbatza sortu berria dute. Goiz Eguzkitik oinez abiatu ziren Portura eta bertako plazan kantu saioa egin ondoren, Karabelera abiatu ziren oinez. Bertako plazan beste saio bat eskaini zuten, bizilagunen aurrean. Bukatzeko, Goiz Eguzkira buelta egin zuten mokadu bat egitera. Ereñotzun ere bai Ereñotzun ere egin zuten atzo Santa Ageda bezperako erronda, baserriz baserri.