liceo Frances liderra estutzeko asmoarekin aterako da gaur Hernani Landarera, eguerdiko 12:00etan. Ligako liderra eta hirugarrena dira Liceo Frances eta Hernani eta partidu gogorra bezain ederra izatea espero da, ligako ekiporik gogorrena baita madrildarra, eta partidua irabazi beharra baitauka lehen postuari eusteko. Beraz, gaur txorakeriarik gabe aterako dira zelaira, eta aurrean hernaniarrak izango dituzte, Landaren indarrak pilatzen badakitenak, eta edozein talde estu hartu izan dutenak.
Lehenengo maila urruti xamar
Hernaniarren asmoa aurten ere lehen mailara igotzeko promozioa jokatzea zen, baina horretarako bigarren postuan gelditu beharra dauka ligan, eta helburu hori urruti xamar dago. Gernika dijoa momentu honetan ligako bigarren postuan 43 punturekin, eta Hernanik 31 dauzka.