Hernaniko bi talde nagusiek partiduak dituzte gaur eta bihar. Gorengo mailako taldeak partidu zaila du gaur Trintxerperen etxean, 16:30etan. Hernaniarrak sailkapen erditik gora dijoaz, baina goiko muturrera iritsi ezinda jarraitzen dute. Gaur Trintxerpetik hiru puntuak ekartzeak salto haundia suposatuko lieke txuri-berdeei, baina ez da xamurra izango.
Bihar Zubipen
Bihar, Emakumezkoen Ligako taldeak jokatuko du Zubipen, 12:00etan, Elgoibarren aurka. Berez, partidu erraza beharko luke hernaniarrentzat, elgoibartarrek ez baitute punturik lortu orain artean. Hernaniarrak igoera fasea ari dira jokatzen eta sailkapeneko erdi parean daude.