Plenoa dago gaur Udaletxean, arratsaldeko 19:00etan, eta bertan EAE-ANVko Udal taldeak aurkeztutako mozio bat eztabaidatuko dute. Auzitegi Nazionalak Marian Beitialarrangotia Alkatea deklaratzera deitu duela salatzen du mozioak. Erabaki hau ´Euskal Herriaren aurkako eraso zuzena` dela dio mozioak eta ´euskal independentismoa kriminalizatzea` duela helburu. Mozioa Giza Eskubideen Batzordean aurkeztu zuen EAE-ANVko Udal Taldeak joan den astelehenean eta bertan eztabaidatu zuten. Alderdiek iritzi desberdinak azaldu zituzten mozioak biltzen dituen zenbait gai eta eskakizunen aurrean.
Autobusa Madrilera
Beitialarrangoitia alkateak bihar 11:30etan deklaratu behar du Auzitegi Nazionalean eta Hernanitik autobusa aterako da, goizaldeko 03:30etan, Atsegindegitik, Alkateari babesa emateko. Izen ematea Garin tabernan egin behar da gaur eguerdia aurretik.
Gaur argiak itzaltzeko deia eta bihar manifestazioa
Egoera salatzeko, Hernaniko EAE-ANVk zenbait ekintza antolatu ditu. Gaur, iluntzeko 21:00etatik 21:15etara, argiak itzaltzeko deia egin du. Bihar, bestalde, asanblea eta manifestazioa izango dira, arratsaldeko 20:00etan, Gudarien plazan.