Pedro eta Joseba Azpiolea musean txapeldun eta saskia Mendipe etxera

Osiñaga auzoan urtero antolatzen dute mus txapelketa Gabon inguruan eta aurtengoa Pedro Azpiolea eta Joseba Azpioleak irabazi dute. Bigarren, Xabier Iurramendi eta Aitor Argiñarena izan dira; hirugarren, Jose Ignazio Irazu eta Iñigo Irazu; eta laugarren Jose Mª Mujika eta Jose Mª Mujika, aita-semeak. Otsua-Enea sagardotegian jokatu da txapelketa eta 24 bikotek hartu dute parte. Saskia Mendipera Mus txapelketa ez ezik, Gabonetako saskiaren zozketa ere egiten du urtero Osiñagako auzo elkarteak auzotarren artean, eta aurtengo saskia Mendipe etxeko Juanito Iradi eta Manoli Iriberriri egokitu zaie.