Abenduaren 8an, larunbata, Kontrakantxa gaztetxearen lehenengo urteurrena ospatuko dute bertakoek; horretarako egunean zehar ekintza ezberdinak egingo dituzte. Goizean Goizueta-Hernani olinpiadak jokatuko dituzte, 11:00etan Atsegindegin. Ondoren, bazkaria egingo dute Kontrakantxan bertan; Arratsaldean bertsolariak ariko dira eta gauean kontzertuak izango dira gaztetxean bertan. Bazkariko txartelak Garinen eta Ekosen egongo dira salgai, 8€tan; Txartela erosteko azkeneko eguna asteartea da. Bestalde, jakinarazi dute prezisua dela bazkarira baserritarrez jantzita joatea.
Urte luzea
Kontrakantxa gaztetxea ireki zenez geroztik, barra-barra izan dira ekitaldiak bertan: mus txapelketa, kontzertuak, Gazte Eguna, bilerak, jokoak eta abar.