gipuzkoako txapelketa aurrera dijoa eta datozen 3 asteburuetan jokatuko dira txapelketako 3 finalaurrekoak; larunbatean lehendabizikoa, Eskoriatzako Udal kiroldegian, 18:00etan. Hernaniko bertso eskolako 3 bertsolari ariko dira kantuan larunbateko finalerdian: Jexux Mari Irazu, Unai Agirre eta Beñat Gaztelumendi eta baita beste hiru bertsolari ere, punta-puntakoak hauek ere: Uxue Alberdi, Jon Martin eta Ainhoa Agirreazaldegi.
Beste bi finalerdiak
Guztira 18 bertsolari sailkatu dira finalerdietara, eta hiru saio izango dira, hiru asteburutan. Finalera 8 bertsolari pasako dira, saio bakoitzeko lehendabizikoa eta beste bost puntuazio onenak. Hernaniko bertso eskolako 5 sailkatu dira finalerdietara; larunbatean kantutako duten hiruak eta beste bi: Aitor Mendiluze eta Iñaki Zelaia; bi hauek abenduaren 1ean kantatuko dute, Ordiziako Majori kiroldegian.