Gosari osasuntsua hartu zuten atzo, Urumea ikastolan

Bihotz Bizi elkarteak bultzatuta, gosari orekatu eta osasuntsua izan zuten atzo Urumea ikastolako Lehen Hezkuntzako 5garren mailako ikasleek. Gosari orekatuak zerealak (ogia, zerealak, ...), fruta, esnekiak (esnea, jogurta, gazta), oliba olioa eta enbutidoa izan behar ditu oinarri. Fruitu lehorrak, txokolatea, eztia eta halakoak ere hartzea gomendatu zuten. Garbi utzi zuten ondo gosaltzeko 10 minutu besterik ez direla behar.