Gipuzkoako bertso txapelketa final laurdenetan da, eta asteburu honetan bi saio jokatu dira. Larunbatean Amaia Agirrek irabazi zuen Eibarren eta Iñaki Zelaia hernaniarra hirugarren izan zen saio txukuna eginda. Zelaia final erdietara sailkatu da. Atzo, Zumaian jokatu zen saioa Aitor Sarriegik irabazi zuen, eta Joxe Urdangarin hernaniarra laugarren izan zen. Saio txukuna egin zuen Urdangarinek, baina pittin bat gehiago lehertzea faltatu zitzaion, eta sailkatzeko aukerarik gabe dago.
Final erdietara 18 bertsolari sailkatuko dira, saioak irabazi dituzten 5ak zuzenean, eta beste 13 puntu bidez. Une honetan, eta saio baten faltan, Hernaniko bertso eskolako Iñaki Zelaia eta Jexux Mari Irazu finalerdietara sailkatuta daude, eta Unai Agirre sailkatzeko postuetan dago.
Datorren igandean jokatuko da final laurdenetako azken saioa, Tolosako Usabal kiroldegian, 17:00etan Hernaniko bertso eskolako Aitor Mendiluze eta Beñat Gaztelumendi bertan direla.
| Puntuazio orokorra (saio baten faltan) | ||
| Saioa irabazi dutenak | ||
| Aitor Sarriegi | 497,50 | |
| Amaia Agirre | 494,00 | |
| Jexux Mari Irazu | 482,00 | |
| Uxue Alberdi | 482,00 | |
| Puntu bidez sailkatzen direnak | ||
| 1 | Iñigo Manzisidor | 484,50 |
| 2 | Jon Martin | 478,00 |
| 3 | Iker Zubeldia | 476,00 |
| 4 | Iñaki Zelaia | 476,00 |
| 5 | Unai Muñoa | 474,5 |
| 6 | Ainhoa Agirreazal. | 474,50 |
| 7 | Xabier Sukia | 474,0 |
| 8 | Joxe Munduate | 471,0 |
| 9 | Unai Agirre | 471,0 |
| 10 | Arkaitz Oiartzabal | 469,00 |
| 11 | Iñaki Gurrutxaga | 466,5 |
| 12 | Iñigo Izagirre | 465,0 |
| 13 | Aitzol Barandiaran | 463,5 |
| 14 | Agin Rezola | 460,0 |
| 15 | Ekaitz Goikoetxea | 450,50 |
| 16 | Joxe Urdangarin | 450,00 |
| 17 | Josu Oiartzabal | 448,0 |
| 18 | Jokin Uranga | 447,00 |
| 19 | Bixente Gorostidi | 446,50 |
| 20 | Hodei Iruretagoiena | 428,00 |