hernanik uste baino errazago irabazi zuen atzo, Landaren, Oviedo taldearen kontra, 70-0. Partidu oso ona jokatu zuten hernaniarrek, baina ez zien asko luzitu, aurkariek ez baitzuten batere jokatu; ez aurrean eta ez atzean, apenas ezer egin zuten Oviedo taldeko jokalariek. Hernanik berriz, 11 entsegu (Mendizurik eta Otxotok 2na, eta besteek bana, Sarasola, Esnal, Pernas, Larrañaga, Boli, Arruabarrena eta Intxaustik), 6 gauzaketa (Ruiz de Garibaik 5 eta Etxeberriak 1) eta zigor golpe bat (Ruiz de Garibaik) sartu zituzten. Hernaniko 22 jokalariek jokatu zuten.
Hurrengoa bi aste barru
Hernani sailkapenean 3garren postuan dago. Aurretik Gernika eta Liceo Frances dauzka, azken hau partidurik galdu gabe, eta denetan bonusa aterata. Liceo Frances Madrileko taldea da, hain zuzen ere, Hernaniren hurrengo aurkaria, 15 egun barru.