Udalak ezezkoa emango dio Akarregin supermerkatua jartzeko eskariari; horrela erabaki zuen joan den asteazkeneko Hirigintza Batzordean. Marian Beitialarrangoitia Alkatea eta Hirigintzako arduradunak adierazitakoaren arabera, gai honetan herriko merkatari txikien iritzia eskatu dute eta haiek supermerkatua egitearen aurka agertu dira: ´Herriko dendariei supermerkatua egitearen inguruan galdetu genien eta aurka agertu ziren, herrian eta inguruan lehenago ere badaudelako nahiko denda eta supermerkatu`.
Akarregin hotela egiteko kontsultari baiezkoa
Akarregin hotela egiteko aukerari buruz galdegiten zuen beste eskari bat ere bazegoen gai ordenean. Eskari honi baiezkoa eman dio udalak, baina horrek ez du esan nahi hotela berehala egingo dutenik, kontsulta bat besterik ez baita.
Union Farmaceutica Gipuzkoana S.A.k egindako kontsulta ere aztertu zuten, Galarretako terreno batzuei buruz, eta horrek ere printzipioz ez duela pegarik izango erantzun dio udalak.
Zaharren Egoitza
Azkenik, Zaharren Egoitza haunditzeko obren inguruko azalpenak eman zituen Alkateak, Hirigintza Batzordean. Adierazitakoaren arabera, hainbat atzerapen eta arazo sortu dira obra honekin. Horren aurrean, arazo horiek konpontzeko ahaleginak egiten ari direla aipatu du eta obrak urtea amaitu aurretik hasi daitezen saiatuko direla ere bai.