Hernaniko bolariek bi zita garrantzitsu asteburu honetan

Bi tiraldi garrantzitsu izango dira asteburu honetan Urnietan eta Legazpin, eta bolari hernaniarrak parte hartu eta sariren bat ekartzeko asmoa dute. Gaur goizean, 09:30etatik 11:00etara, probintziako bola txapelketa izango dute Urnietan, Santa Kutz jaiak direla eta. Lau bolari onenek sariak izango dituzte, 30 eurotik 60 arterainokoak, eta bi onenek, urdaiazpiko bat eta garaikurra eskuratuko dute, hurrenez hurren. Urnietar onenak ere urdaiazpiko bat jasoko du sari. Bihar, berriz, Legazpin XVI. Juan Jose Ugarteburu memoriala jokatuko da, Mauleon bolatokian. Goizeko 10:00etan hasi eta 11:30ak arte izango da izen ematea. Hemen ere sari garrantzitsuak banatuko dituzte: aurrenak, txapela, garaikurra, eta bildutakoaren %40a; bigarrenak, garaikurra eta %30; hirugarrenak, garaikurra eta %20a, eta laugarrenak, %10a.