Yone Boutique talde hernaniarrak gaur hasiko du liga, Fortuna ILK donostiarren aurka, 17:00etan kiroldegian. Talde hernaniarra iazko jokalari berberek osatuko dute aurten, agian fitxaketa batekin. Bestalde, kategoria berria izango dute, iaz 3. B mailan jokatzetik denboraldi berrian 3. mailan jokatzera pasako baitira.
Federazioak maila moldaketa
Gipuzkoako areto futbol federazioak maila ezberdinen moldaketa egin dute 07/08 denboraldirako eta, horren ondorioz, 3. B maila kendu dute. Orain hamazazpi talde izango dira 3. mailan, iaz 3. B eta 3. mailan zeudenak nahastuta. Julen Giraldo arduradunaren arabera, ´funtsean ez gara mailaz igo eta neurriak kaltetu egin digula ere esan daiteke, lehen baina talde gutxiago igoko baitira mailaz`. Orain bigarren mailatik gertuago daude behinik behin.
Aurredenboraldian emaitza onak
Yone Boutique-k hilabete inguru daramaki entrenatzen eta aurredenboraldi honetan bi partidu jokatu eta irabazi ditu, biak 1. mailako taldeen aurka: 2-6 Zarautzen aurka, eta 2-4 Oiartzunen aurka, joan den larunbatean. Ea arratxak jarraitzen duen.