KIUBak dio azken egun hauetan arazoak sortu direla etxez-etxeko errebisioekin,
´urtero bezala`, eta erabiltzaileei jarraitu beharreko pausuak azaldu dizkie.
Kontsumitzailearen Informaziorako Udal Bulegoak aholku sorta bat zabaldu du, Hernanin etxez-etxeko gas errebisioetan arazoak izan direlako. Diotenez, enpresa bat dabil Hernanin gas instalazioa dutenei errebisioa eta mantenimendu kontratua eskaintzen eta aurreko urteetako irregulartasunak ebitatzeko, zera jakinarazi du KIUBak:
-Gas instalazioen azterketa 5 urtean behin egin behar da butanoaren kasuan eta 4 urtero gas naturalaren kasuan.
-Baimendutako instalatzaile batek egin behar du azterketa (karneta erakutsi behar du).
-Kontsumitzaileak aurrekontua eskatu dezake.
-Ordainketa azterketa bukatzean egin behar da, eta faktura eta ziurtagiria jaso behar da.
-Zalantzarik izanez gero, KIUBarekin harremanetan jarri (Sandiusterri, 1 edo 943-557854).
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!