Krixkitiña dantza taldeak antolatuta, IX. Gazteen Trikitixa Txapelketa izango da datorren igandean Gudarien Plazan, eguerdiko 12:00etan hasita, Udalak, Musika Eskolak eta Oronak lagunduta. Sei bikotek hartuko dute parte, Hernani, Anoeta, Zestoa, Donostia eta Andoaingoak. Hernanikoak hiru bikote hauek dira: Irati eta Maider Ugalde, Maialen Murua eta Alaitz Vangeneberg, eta Aitziber Errazkin eta Amaia Mujika.
Hiruna pieza jotzeko
Bikote bakoitzak hiru pieza jo beharko ditu: trikitixa, porrusalda eta fandango edo arin-arina. Gauza asko dira epaileek kontuan hartu behar dituztenak puntuatzeko orduan: doinuaren zailtasuna, soinuaren ejekuzioa, panderoaren ejekuzioa, erritmoa eta kantua.